10 განსხვავებული ოთახი სხვადასხვა სირთულით, ლაბირინთები, დაბრკოლებები და თავგადასავლები, რომლებმაც არ უნდა შეგაშინოთ - აქ მთავარი გასაღების აღება და რაც შეიძლება მეტი განძის მოპოვებაა. ეს "ფორტ ბოიარდი" არ არის - ეს ყველაზე ორიგინალური და განსხვავებული ბავშვთა გასართობი ცენტრი "ლოსთია".

ბავშვები გუნდებად იყოფიან და ერთმანეთს სხვადასხვა დავალების შესრულებაში ეჯიბრებიან. მათ დაბრკოლებები არ აფერხებთ, სტიმულიც დიდი აქვთ, ერთმანეთს საკუთარი ძალის დამტკიცებაში და "ლოსთის" საგანძურის მოპოვებაში ეჯიბრებიან.

"ლოსთი" ყველაზე ორიგინალური გასართობი ცენტრია, რომლის მსგავსიც თბილისში არ არის. თავგადასავლების მოყვარული მოზარდები ცენტრს აუცილებლად დადებითი ემოციებით დამუხტულები დატოვებენ, რადგან უამრავი გასართობის გარდა მათი განწყობის შექმნაზე ანიმატორებიც ზრუნავენ.

გასართობი ცენტრის შერჩევა უჭირდა გვანცა ფერაძესაც. "ლოსთი" დედამ ურჩია . მეგობრებთან ერთად მისთვის ყველაზე მნიშვნელოვანი დღის აღნიშვნა სწორედ აქ გადაწყვიტა.

გვანცას მსგავსად "ლოსთს" პირველად ესტუმრა მისი მეგობარი გიორგიც. შთაბეჭდილებებს ისიც აღფრთოვანებული გვიყვება. ამბობს, რომ დაბადების დღეს მომავალში ისიც აქ გადაიხდის.

გარდა გამორჩეული სპორტულ-სათავგადასავლო თამაშებისა, "ლოსთი" ხელმისაწვდომი ფასებითაც გამოირჩევა. აქ გართობა 15 წლამდე ასაკის ნებისმიერ მსურველს შეუძლია.

ბავშვთა გასართობი ცენტრი ერთი თვის წინ გაიხსნა. თავგადასავლების მოყვარულებს აქ გართობა ყოველდღე დილის 10 დან საღამოს 9 საათამდე შეუძლიათ.