ბარიკადებზე, რომლებიც გრუშევსკის ქუჩაზე მყოფ აქციის მონაწილეებსა და მილიციელებს ერთმანეთისგან ყოფს, პროტესტის ერთ-ერთმა მონაწილემ შეყვარებულს ხელი სთხოვა. რომანტიკული ცერემონიის დროს ახალგაზრდა მამაკაცი უნიფორმაში იყო გამოწყობილი, სახეზე კი ნიღაბი ეკეთა. აღსანიშნავია, რომ ხელის თხოვნის დროს მისი რჩეულიც შენიღბული იყო. ხელის და გულის შემოთავაზებაზე თანხმობის შემდეგ აქციის მონაწილეებმა ჩირაღდნები აანთეს და წყვილს გაბედნიერება მიულოცეს.