საქართველოს ყოფილი პრემიერ-მინისტრი, ვანო მერაბიშვილი ოჯახს ბოდიშს უხდის. როგორც მერაბიშვილმა ქუთაისის საქალაქო სასამართლოში განაცხადა, მის გამო ბევრი ადამიანი წლების განმავლობაში ზეწოლას განიცდის.

"ჩემს გამო ჩემი ოჯახის წევრები განიცდიდნენ ყოველდღიურ ზეწოლას მთელი 9 წლის განმავლობაში და ჩემდა სამწუხაროდ. მინდა, მათ ბოდიში მოვუხადო და ვუთხრა, რომ მიყვარს", - განაცხადა ვანო მერაბიშვილმა.

ყოფილი პრემიერი ამ სიტყვების შემდეგ ატირდა, რის გამოც მისმა ადვოკატმა ოთარ კახიძემ სასამართლო პროცესზე შესვენების გამოცხადება ითხოვა. მოსამართლემ დაცვის მხარის თხოვნა დააკმაყოფილა და სხდომაზე შესვენება გამოცხადდა.