იაპონელმა მეთევზეებმა 8 მეტრიანი კალმარი დაიჭირეს. როგორც მებადურები აცხადებენ, 163 კილოგრამიანი კალმარი ჯერ კიდევ ცოცხალი იყო, როდესაც მათ ბადეში მოხვდა, თუმცა, ბორტზე გადაყვანის შემდეგ მალევე დაიღუპა. იმის გამო, რომ გიგანტურ ცხოველს საშინელი ამიაკის სუნი ჰქონდა, მეთევზეებმა მისი შეჭმა ვერ გაბედეს და კვლევების ჩასატარებლად ადგილობრივ საზღვაო ინსტიტუტს გადასცეს.