რუსეთში მოკლული კრიმინალური ავტორიტეტის, დათო მელქაძის, იგივე Дато Потийский-ს მკვლელობა ვიდეოკამერამ დააფიქსირა. შემთხვევის ამსახველი ექსკლუზიური კადრები ტელეკომპანია НТВ-ს ჩაუვარდა ხელში. ჩანაწერზე ჩანს, თუ როგორ მიემართება მელქაძე ავტომანქანების სადგომისკენ. რამდენიმე წამის შემდეგ უცნობი ადამიანი კი მისი მიმართულებით ცეცხლს ხსნის. კადრებში არა მარტო სროლა მოხვდა, არამედ მკვლელიც დაფიქსირდა. დაზარალებული მხარში და მუცელში მძიმედ დაიჭრა. იგი საავადმყოფოში გადაიყვანეს, სადაც მალევე გარდაიცვალა.