6 იანვარს, ლა ლიგის მე-18 ტურის მატჩში მადრიდის "რეალმა" ვიგოს "სელტას" უმასპინძლა და ანგარიშით 3:0 დაამარცხა.

შეხვედრაში ანგარიში ქარიმ ბენზემამ 67-ე წუთზე გახსნა, რასაც კრიშტიანო რონალდომ დუბლი მოაყოლა (83, 90+3). აღსანიშნავია, რომ პორტუგალიელმა ვარსკვლავმა "სელტასთან" კარიერაში მე-400 გოლი მიითვალა. 28 წლის ფეხბურთელმა დუბლი ახლად გარდაცვლილ ეუსებიოს მიუძღვნა. ლეგენდარული პორტუგალიელი ფეხბურთელი ეუსებიო, მეტსახელად "შავი ავაზა", 4 იანვარს, 72 წლის ასაკში გარდაიცვალა.