სირიის დედაქალაქ დამასკოში ადგილობრივი მედიის ჟურნალისტი ბავშვებს ესაუბრებოდა, როდესაც მათგან რამდენიმე ათეულ მეტრში საარტილერიო ჭურვი აფეთქდა. კადრში ისმის ძლიერი აფეთქების ხმა, ყველაფერი კვამლით იფარება, პატარები კი თავშესაფრისკენ გარბიან.

სირიელი ბავშვები ჟურნალისტს იმაზე ესაუბრებოდნენ, თუ რა კვალი დაატყო მათ და მათ ოჯახებს სამოქალაქო ომმა; ასევე, უყვებოდნენ იმ მძიმე ისტორიების შესახებ, რომელთა თვითმხილველები თავად გახდნენ.