"რუსთავი 2"-ზე "ნიჭიერის" ნახევარფინალები დაიწყო. პირველივე ლაივ-შოუზე მაყურებელს თბილისის საერთაშორისო აეროპორტიდან არაჩვეულებრივი სანახაობა წარმოუდგინეს: ქართველმა გოლიათებმა - გიორგი დოიჯაშვილმა და კოტე ჯანაშიამ პირველად სცადეს 40 ტონიანი თვითმფრინავის, "ბოინგ 737" -ის ადგილიდან დაძვრა. გოლიათებმა დავალებას თავი წარმატებით გაართვეს და უზარმაზარი თვითმფრინავი რამდენიმე მეტრზე გაათრიეს. ბიჭების შედეგმა ჟიური შოკში ჩააგდო.