საქართველოს შეიარაღებული ძალების სპეციალური დანიშნულების ძალებს დაარსებიდან 14 წელი შეუსრულდა. დღეს, პირადმა შემადგენლობამ იუბილე ვაშლიჯვრის ბაზაზე საზეიმოდ აღნიშნა.
ტაქტიკურ სწავლებაში „მოწინააღმდეგეზე პირდაპირი იერიში" UH-1H ტიპის შვეულმფრენები და კობრას ტიპის საბრძოლო მანქანები მონაწილეობდნენ. სამხედრო მოსამსახურეებმა ამოცანის შესრულების დროს გადაადგილებისა და ბრძოლის წარმოების სხვადასხვა ტაქტიკური მეთოდი გამოიყენეს - ცეცხლით დაფარვა, დესანტირება „კობრებიდან", შვეულმფრენებიდან და კლდეზე თოკებით დაშვება. სწავლებისას გამოყენებული იყო სპეციალური ოპერაციების ძალების შემადგენლობაში არსებული სხვადასხვა კალიბრის შეიარაღება.