უკრაინაში X Factor-ის მეოთხე სეზონის შესარჩევი ტურები დასასრულს უახლოვდება. ლვოვში ჩატარებულ კასტინგზე სცენაზე ქართველი მომღერალი, 28 წლის შორენა ჩხაიძე წარსდგა. ახალგაზრდა მომღერალმა ევგენი მარტინოვის სიმღერა Заклятие ძალიან ემოციურად იმღერა. ქალის ტრაგიკული სიყვარულის ისტორიის შესანიშნავმა შესრულებამ ჟიური და დარბაზი აატირა. სიმღერის დასრულების შემდეგ დარბაზი რამდენიმე წამით დამუნჯდა, თუმცა შემდეგ ხანგრძლივი აპლოდისმენტებით დააჯილდოვა კონკურსანტი. შორენა ჩხაიძე შემდეგ ტურში ჟიურიმ ერთხმად გადაუშვა.