რუსეთში, ზელენოგრადში ახალდაქორწინებულები და მათი 35 სტუმარი ახალი ოჯახის შექმნას აღნიშნავდნენ, თუმცა ღამის 2 საათისთვის საზეიმო ნადიმი, ცეკვები და მხიარული კონკურსები სასტიკ ჩხუბში გადაიზარდა. დაპირისპირება პატარძლის სტუმრებსა და ნეფის მეგობრებს შორის მოხდა.

მოგვიანებით დაპირისპირებული მხარეები თითქოს მორიგდნენ და კვლავ განაგრძეს მხიარულება, მაგრამ როგორც ვიდეოში ჩანს, ერთ-ერთი სტუმარი მოულოდნელად ახალგაზრდა მამაკაცს უკნიდან მიეჭრა და ყელში დანა გამოუსვა. მსხვერპლი იოლად გადარჩა - როგორც ჩანს, დანა არც ისე ბასრი იყო, თუმცა ჩხუბი აქ არ დასრულებულა და მასში ქალებიც ჩაებნენ. ხელჩართული ჩხუბის შედეგად რამდენიმე ადამიანი მსუბუქად დაიჭრა. მოჩხუბარი მოქეიფეების გაშველება რესტორნის დაცვამ და პოლიციამ ძლივს მოახერხეს.