მექსიკის ჩრდილოეთით, კოუაუილას შტატში არქეოლოგებმა დინოზავრის უზარმაზარი კუდის ჩონჩხი აღმოაჩინეს. კუდი ხუთი მეტრის სიგრძისაა. მეცნიერები ვარაუდობენ, რომ ის 70 მილიონი წლის წინ მცხოვრებ დინოზავრს ეკუთვნოდა.

მექსიკაში ეს პირველი მსგავსი აღმოჩენაა. მთელს მსოფლიოში კი ასეთი სიძველის სულ რამდენიმე სამარხია ნაპოვნი. მეცნიერების აზრით, დინოზავრის მთლიანი ჩონჩხი შეიძლება უფრო ღრმად იყოს მიწაში დამარხული.

ვიდრე სამარხს მთლიანად არ იპოვნიან, არქეოლოგები დაზუსტებით ვერ ამბობენ, რომელ ჯიშს მიეკუთვნებოდა მათი ნადავლი.