"ნაციონალური მოძრაობის" ზუგდიდის ორგანიზაცია ფეისბუქის საკუთარ გვერდზე რამდენიმე ვიდეომასალას ავრცელებს, რომელზეც მათივე ინფორმაციით "ქართული ოცნების" აქტივისტების სამზადისია ასახული. "პრაიმერის დასარბევად ქოცების სამზადისი ქართული ოცნების ოფისში" - ასეთი აღწერილობა ახლავს ვიდეოს ზუგდიდი ენმ-ს გვერდზე.

დღეს ზუგდიდში "ნაციონალური მოძრაობის" პრაიმერი იმართება. "ნაციონალების" ზუგდიდში ჩასვლას ინციდენტი მოყვა. შალვა დადიანის სახელობის დრამატულ თეატრთან შეკრებილებმა მანქანიდან გადმოსულ პარტიის ლიდერებს ქვები და ბოთლები დაუშინეს.