თბილისის აკვაპარკში მომხდარი ხანძრის შედეგად მიყენებული ზარალის დათვლა იწყება. აკვაპარკში უკვე მივიდნენ ექსპერტ-კრიმინალისტებიც, რომლებიც მომხდარის მიზეზებს დაადგენენ. ამ დროისთვის, ისინი კომენტარს არ აკეთებენ.

აკვაპარკის ხელმძღვანელობა ხანძრის განგებ გაჩენის ვერსიას გამორიცხავს და აცხადებს, რომ 2 დღეში მუშაობის განახლებას და დამსვენებლების მიღებას გეგმავს. ერთ-ერთი თანამშრომლის განცხადებით, ცეცხლი ელექტროგაყვანილობამ გააჩინა, ხოლო ქარის გამო ხანძარი სწრაფად გავრცელდა.