ავსტრალიაში შინაური ცხოველის ერთგულების კიდევ ერთი საოცარი ფაქტი დაფიქსირდა. ძაღლი, სახელად გლადიატორი, საკუთარი პატრონის გადარჩენას ემსხვერპლა.

რამდენიმე მამაკაცი ძაღლებთან ერთად ტყეში სანადიროდ იყო წასული. მდინარეზე გადასვლისას მოულოდნელად უზარმაზარი ნიანგი გამოჩნდა წყალში, რომელიც გლადიატორის პატრონს მიეჭრა. ყველაფერი წამებში მოხდა - პატრონის დასაცავად, გაავებული ძაღლი საშიშ მტაცებელს მივარდა. გლადიატორის პატრონმა ნიანგისგან თავის დახსნა მოახერხა, იმავე წამს მტაცებელმა ძაღლი პირში მოიგდო და მდინარეში გაუჩინარდა.