არასამთავრობო ორგანიზაციები ხელისუფლებას იპოთეკით დაზარებული მეანაბრეებისათვის 2-წლიანი მორატორიუმის გამოცხადებას სთხოვენ. თავისუფლების მოედანზე, "საქართველოს ბანკის" ერთ-ერთ ოფისის წინ, თეატრალიზებული სახის აქცია-ბრიფინგი ჩატარდა, რომელსაც ბანკებისგან დაზარალებული იპოთეკარები მართავენ.

ამ აქციის ორგანიზატორები არიან და დაზარალებულებს მხარდაჭერას უცხადებენ "ყოფილი პოლიტპატიმრები ადამიანის უფლებებისათვის", "მოძრაობა სამართლიანობა უნდა აღდგეს, რეჟიმი უნდა გასამართლდეს", მემარცხენე ალიანსის წარმომადგენლები - სოსო შატბერაშვილი, კახაბერ ძაგანია, ასევე უფლებადამცველი ირაკლი კაკაბაძე. აქციაზე იმყოფება პროფკავშირების გაერთიანების ხელმძღვანელი ირაკლი პეტრიაშვილი.

როგორც აქციაზე ითქვა, ახალ საზოგადოებრივ მოძრაობას იწყებენ - "დაიკავე საქართველო", რომლის ერთ-ერთი საკითხი იქნება დაზარალებული მეანაბრეები.

აქციის მონაწილეები "საქართველოს ბანკის" ოფისთან ლოზუნგებითა და თეთრი დროშებით მივიდნენ. ამასთან, აქციის მონაწილეებმა სკამები მიიტანეს და ყველაფერს თეატრალიზებული სახე მისცეს.