გუშინ ვიტალი დარასელიას სახელობის „დინამო თბილისის“ საფეხბურთო აკადემიის საწვრთნელი ბაზის ოფიციალური გახსნის ცერემონიალი გაიმართა. საფეხბურთო აკადემიის საწვრთნელი ბაზის გახსნის ცერემონიალზე ვიცე-პრემიერი კახა კალაძე კრიშტიანუ რონალდუსთან და ანდრეი შევჩენკოსთან ერთად მივიდა. მსოფლიოში ცნობილმა ფეხბურთელებმა ბაზა დაათვალიერეს და გულშემატკივრებთან, ასევე მომავალ ფეხბურთელებთან ერთად სამახსოვრო ფოტოები გადაიღეს. რონალდუსა და შევჩენკოს თქმით, მომავალი ფეხბურთელებისათვის ასეთი მაღალი დონის საწვრთნელ ბაზას უდიდესი მნიშვნელობა აქვს.