კურიოზებით მდიდარ საფეხბურთო ისტორიებს ერთი ეპიზოდიც შეემატა: თვალსასეირო შემთხვევა მოხდა იტალიის ერთ-ერთი დაბალი ლიგის ფინალურ მატჩში - მთავარი პრიზისათვის ბრძოლაში ერთმანეთს დაუპირისპირდნენ ”ისკიასა” და ”დელტა პორტო-ტოლეს” გუნდები.
მატჩის 31-ე წუთზე ”პორტო-ტოლეს” მცველებმა ბურთი უკან მიაწოდეს გოლკიპერს, რომელმაც ის მოედნისაკენ დააბრუნა. ძლიერმა ქარმა წარმოუდგენელი ტრაექტორიით დააბრუნა ბურთი უკან ბუმერანგივით და კარის ბადეში მიუჩინა ადგილი.

მატჩი დამთავრდა ანგარიშით 2:1 ”ისკიას” სასარგებლოდ, რომელშიც გადამწყვეტი აღმოჩნდა ”ზენაარი” ძალების დახმარებით გატანილი გოლი.