ბრაზილიელი მოსახლეობის პროტესტის გამო საერთაშორისო ტურნირი შეიძლება ჩაიშალოს. მოგეხსენებათ, ახლა ბრაზილიაში აქტიურად მიმდინარეობს საპროტესტო აქციები. მოსახლეობა კონფედერაციის თასზე და მსოფლიოს ჩემპიონატზე ზედმეტად დიდი თანხების დახარჯვას აპროტესტებს.
საპროტესტო აქციები ბრაზილიის 80-მდე ქალაქში მიმდინარეობს. გუშინ რიოში 300 ათასამდე ადამიანი გამოვიდა აქციაზე. პოლიციამ დემონსტრაციის ჩაშლა გადაწყვიტა, თუმცა ეს მასობრივ ჩხუბში გადაიზარდა, რასაც 40-მდე ადამიანის დაშავება მოჰყვა.
ახლა ფიფა-დან აცხადებენ, რომ ტურნირის ბადეში ცვლილებები შეტანას არ აპირებენ, თუმცა ბრაზილიაში ტურნირის ჩაშლას არ გამორიცხავენ, თუ სიტუაცია კიდევ უფრო გამწვავდება.