უსიყვარულოდ გადავირევი...
დარდი მაწვალებს შენებრ კარგების,
ხან მოვარდები როგორც ირემი,
ხან იასავით დამეკარგები.
**
მოგიტაცნია ღიმილ ფრესკიდან,
დაუწყევლიხარ ვინმე ასურელს,
შენი თვალების ეშხი შეშლიდა,
ორბელიანთა ზვიად ასულებს.
**
ჯვარს დაიწერდა შენზე გოეთე,
გალაკტიონიც დათმობდა მერის,
შენ მოგიძღვნიდნენ ძვირპას სონეტებს,
ჯორჯ ბაირონი შექსპირი შენი.
**
დღეს სიყვარული მართლაც არ არის,
ხვალ კალმოსნები დახრიან კალმებს,
როგორც მე ერთი ამ ქვეყანაზე,
დაგიკოცნიდი მაგ ლამაზ თვალებს.
**
როს ამათრთოლებს ცახცახი კვირტის
და შუქს მოვტაცებ ატმების ხანძარს,
მე გაზაფხულის ფერებით ვიწვი,
უსიყვარულოდ სიცოცხლე არ მწამს.
**
კორდები ღიმილს შემომაგებებს,
ნიავი კოცნის თაფლისფერ ნაწნავს,
მ ე გაზაფხულის ფერებით ვიწვი,
უსიყვარულოდ სიცოცხლე არ მწამს.