რა არის ID ბარათი - იუსტიციის სამინისტრო ვიდეორგოლი > http://intermedia.ge/vid/228078/

ორგანიზაცია "მართლმადიდებელ მოქალაქეთა კრებული“", იურისტები და არასამთავრობო ორგანიზაციების წარმომადგენლები აიდი-ბარათის ალტერნატივის შემოღებას მოითხოვენ.

ამ თემასთან დაკავშირებით დღეს "ქორთიარდ მარიოტში" შეხვედრა გაიმართა, რომელსაც სასულიერო პირებიც დაესწრნენ.

შეხვედრის მონაწილეები აიდი-ბარათის ალტერნატივის აუცილებლობას რამდენიმე ფაქტორით ხსნიან, მათ შორის სოციალურად დაუცველთათვის მისი ღირებულების ხელმიუწვდომლობა და ასევე, ბარათის ჩიპში განთავსებული ინფორმაციის ჰაკერებისთვის ხელმისაწვდომობა.

შეხვედრის მონაწილეები ამბობენ, რომ მოქალაქის პირადი ნომერიც კი მარტივად არის ხელმისაწვდომი კომპიუტერული სისტემების მცოდნე ადამიანისთვის.

გარდა ამისა, "მართლმადიდებელ მოქალაქეთა კრებულის" წევრები თვლიან, რომ მოქალაქის პირადი ინფორმაციის ელექტრონულ ჩიპში განთავსება რელიგიურ და სულიერ პრინციპებს ეწინააღმდეგება, რის გამოც ისინი იუსტიციის სამინისტროს და პარლამენტს გადაწყვეტილების მიღებას დაჩქარებული წესით სთხოვენ.