ამერიკული Voice-ის შესარჩევ ტურებზე ჟიურის წინაშე კონკურსანტი კრის ტომასი წარსდგა, რომელმაც უიტნი ჰიუსტონის სიმღერა Saving All My Love For You შეასრულა. ჟიურიდან ტომასს მხოლოდ შაკირა შემოუბრუნდა. როდესაც კონკურსანტმა სიმღერა დაასრულა და ჟიურის დანარჩენი, მამაკაცი წევრებიც შემობრუნდნენ, მათ გაოცებას საზღვარი არ ჰქონდა: აღმოჩნდა, რომ ყველა მათგანს კრის ტომასი გოგონა ეგონა.

"შენ ბიჭი ხარ?!" - გაოცებულმა უთხრა კონკურსანტს აშერმა. "ნეტავ მცოდნოდა, რომ ბიჭი იყავი, აუცილებლად დავაჭერდი", - აღმოხდა ადამ ლევინს. ჟიურის წევრებმა შაკირას მიულოცეს და აღნიშნეს, როგორ "მოიტყუა" კოლუმბიელმა მომღერალმა და კრისის დანახვისას ემოციები დამალა, რაზეც შაკირამ უპასუხა, რომ ეს საგანგებოდ გააკეთა, რადგან იცოდა, კონკურსანტს "წაართმევდნენ".