სამხრეთ აფრიკის რესპუბლიკის ტელევიზიამ უჩვენა შოუს ჩანაწერი, რომელშიც ცნობილი ტოპ-მოდელი რივა სტინკამპი მონაწილეობს. რივა ცნობილი პარაოლიმპიელი სპორტსმენის ოსკარ პისტორიუსის მეგობარი გოგონა იყო. იგი 14 თებერვალს ოსკარ პისტორიუსის სახლში მოკლული იპოვეს. წინასწარი ვერსიით, წმ. ვალენტინის დღეს მან შეყვარებულისთვის სიურპრიზის მოწყობა გადაწყვიტა და მის სახლში ფანჯრიდან გადაძვრა. სპორტსმენს ეგონა, სახლში მძარცველები შეიჭრნენ და ცეცხლი გახსნა. პისტორიუსს ბრალი განზრახ მკვლელობის მუხლით წაუყენეს. მისი საქმის მოსმენა სამშაბათისთვისაა ჩანიშნული. სპორტსმენის ნათესავებს მიაჩნიათ, რომ განზრახ მკვლელობაზე საუბარიც კი ზედმეტია.