სტეფანწმინდაში დაღუპული რუსი მთამსვლელის გვამი იპოვეს, ორს კი ისევ ეძებენ. შეგახსენებთ, უბედური შემთხვევა გუშინ გამთენიისას მოხდა. მყინვარწვერიდან ოთხი მოსკოველი მთამსვლელი ეშვებოდა. მეტეოსადგურსა და გერგეთის ტაძარს შორის ზვავი ჩამოწვა და სამი მთამსვლელი თოვლში ჩაიმარხა. ერთი კი, რომელიც სტიქიას შემთხვევით გადაურჩა, მყინვარის მეტეოსადგურიდან მომავალმა უკრაინელმა ტურისტებმა აღმოაჩინეს და დაბა სტეფანწმინდაში ჩაიყვანეს.