"მოგვევლინა უნიკალური პინგვინი ჭორვილადან"- ამ სიტყვებით მოიხსენია ლეიბორისტული პარტიის ლიდერმა შალვა ნათელაშვილმა ქართველი ოლიგარქი, ბიძინა ივანიშვილი. "ბიძინა ივანიშვილი ამერიკელი ლობისტების მიერ მართული ძალაა, თუმცა ის კუდს რუსეთსაც უქიცინებს"-აცხადებს ნათელაშვილი.
ლეიბორისტულმა პარტიამ დღეს ზუგდიდში, ენგურქაღალდკომბინატის კულტურის სახლში სამეგრელო-ზემო სვანეთის მხარის მაჟორიტარი დეპუტატობის კანდიდატები წარადგინა. შალვა ნათელაშვილი ბედნიერი ჩანდა სამეგრელოში ყოფნით და დარწმუნებულიც, რომ სამეგრელოში მისი პარტია საკმაო ხმებს მიიღებს. ლეიბორისტული პარტიის მაჟორიტარი დეპუტატობის კანდიდატების წარდგენას სამეგრელოში დღეს დაახლოებით ხუთასი ადამიანი დაესჭრო.