ის ჩერქეზზე უფრო დაბალია და უფრო შაგვრიმანი; მისი ენა ჩამოგავს ჩერქეზის ენას, მაგრამ ეს ორი ხალხი სხვა და სხვა ზნისა არის. აფხაზი ჩერქეზზე ნაკლეთ არის მხნე, თუმცა ამასაც თავის ლეკურის იმედი აქვს. სანამ შავი-ზღვა რუსის ზღვათ გახდებოდა, აფხაზები ბარქაშებით დასცურავდნენ ზღვის ნაპირათ: მიდიოდნენ ყირიმს, ოსმალეთს, ეგვიპტეს. ამათაც თავად-აზნაურები ჰყავდათ, თუმცა ხალხი თავისუფალი იყო. ესენიც ნახევარ წარმართები და ნახევარ ქრისტიანე-მაჰმადიანები არიან. იმათი ტაძარი რამდენათაც ეკლესია იმდენათ ტყე არის.