ნადავლის მოხვეჭის მიზნით სკვითებმა ასურეთის დედაქალაქი ნინევია გაძარცვეს. მოგვიანებით კი, ისინი ასურეთის მოკავშირეები გახდნენ, რათა მიდიის, ბაბილონისა და სხვა ერების წინააღმდეგ გაელაშქრათ. მათ ჩრდილოეთ ეგვიპტეზეც კი მიიტანეს იერიში. ის ფაქტი, რომ ჩრდილო-აღმოსავლეთ ისრაელში მდებარე ქალაქ ბეთ-შანს მოგვიანებით სკვითოპოლი დაერქვა, შეიძლება იმ პერიოდზე მიანიშნებდეს, როცა სკვითებმა ეს ტერიტორია დაიკავეს. სკვითებმა არც ამიერკავკასიას აუარეს გვერდი და თავიანთი შემოსევების დროს საქართველოშიც თარეშობდნენ.