ბოშები (ციგნები) – წარმოშობით არიან ჩრდილოეთ ინდოეთიდან. ისინი მთელს მსოფლიოში არიან მოდებულნი და უმეტესად სახლობენ რუმინეთში. რუმინეთის მოსახლეობის 2.5%–ს შეადგენენ. მათი მიგრაცია მოხდა პენჯაბის, ჰარიანასა და რაჯასტანის შტატებიდან. მათ სხვადასხვა ენაზე მოიხსენიებენ: ინგლისელები - ეგვიპტელებს, ფრანგები - ბოჰემიელებს, უნგრელები - ფარაონის ტომს, ფინელები - შავებს, ებრაელები - ცოანიმებს (ეგვიპტის ძველი ქალაქის, ტანისის სახელიდან მომდინარეობს).