ამობრუნებული ავტომობილების ინსტალაციები ხაშურშიც გამოჩნდა. კერძოდ, მანქანები ქალაქის შესასვლელთან სოფელ გომში დამონტაჟდა. მანამდე ამობრუნებული ავტომობილების ინსტალაციები თბილისის მასშტაბით, სხვადასხვა უბანში დადგეს. ასეთი ინსტალაცია დგას ვაკის პარკთან, საბურთალოს რაიონში, პეკინზე.თბილისის მერიაში განაცხადეს,რომ ეს ინსტალაციები ერთ-ერთი კომპანიის აქციის ნაწილია, რომლის შესახებ ინფორმაცია რამდენიმე დღეში გახდება ცნობილი.