ჩინეთის აღმოსავლეთ რეგიონში, სანაპირო ქალაქებიდან 800 000-ზე მეტი ადამიანის ევაკუაცია განხორციელდა. აღნიშნულის მიზეზი მოსალოდნელი ტაიფუნია. უამინდობის გამო დაახლოებით 400 ავიარეისი უკვე გაუქმებულია. ჩინეთის ეროვნული მეტეოროლოგიური ცენტრის ცნობით, მოსალოდნელი ტაიფუნი ყველაზე ძლიერი იქნება რეგიონში 1949 წლის შემდეგ. ძლიერმა შტორმმა კვირის დასაწყისში ფილიპინებსაც გადაუარა, სადაც ხუთი ადამიანი დაიღუპა.