მიმყავხარ იქ, სადაც ვერავინ მოგვაგნებს
იქ, სადაც მზეები უშენოდ ვერ ძლებენ
ვიცი, რომ ერთხელაც შენამდე მოვაღწევ
თვალები ისეთი სურვილით გეძებენ

წამოდი და ერთხელ, უბრალოდ მომენდე
რა მოხდა, სიცოცხლე შენით თუ მომინდა
იცოდე, უშენოდ გონს თუკი მოვეგე
წავალ და სიყვარულს არასდროს მოგიტან

მიმყავხარ, იცოდე უარი არ მითხრა
არ მითხრა უარი, იცოდე გავაფრენ
რა უჭირს, გულმა თუ გრძნობები აგიხსნა
რა მოხდა, გრძნობა თუ ლექსებით გაგანდე

წამოდი, იქ, ჩემთან მხოლოდ შენ გელიან
სიყვარულს კაეშანს მხოლოდ შენ ჩამოხსნი
რამდენი ხანია მთვარესთან ვმღერი და
რამდენი ხანია, მზე აღარ ამოდის

მიმყავხარ, მინდა, რომ მთა–ბარი გადავდგა
ნუ მეტყვი, ნუ მეტყვი, რომ ჩემთან არ გინდა
რა მოხდა, გულმა თუ სულ ერთი დაგარქვა
უბრალოდ მინდა, რომ გულში ღრმად ჩაგიკრა