ქართველი მოდელი მსოფლიო მოდის ინდუსტრიას იპყრობს. ქუთაისელი ანა ახვლედიანის სილამაზე Dolce & Gabbana-ს არ გამორჩენია და ის მათი კასტინგის რჩეული გახდა. მოდელი 500 გოგონაში აარჩიეს. ანას უკვე გადაუღეს ფოტოები, რომლებიც სექტემბერში მოდის გამოცემებში დაიბეჭდება.18 წლის ანას სამოდელო სამყაროსთან შეხება არასოდეს ჰქონია, სამართლის ფაკულტეტის სტუდენტი მილანში ერთ-ერთი კასტინგით მოხვდა. ალბათ ვერც წარმოიდგენდა, რომ იტალიაში ჩასულს წინ წარმატება ელოდა.