უკვე მესამე დღეა ისნის რაიონში 14 წლის ანა კალანდიას ეძებენ. როგორც მოზარდის დედამ ნანა რურუამ განაცხადა, მისი შვილი 30 აპრილს 139-ე საჯარო სკოლაში დეიდამ მიიყვანა, თუმცა, ბავშვი სკოლის შენობაში არ შესულა. ოჯახმა მოზარდის გაუჩინარების შესახებ ინფორმაცია სამართალდამცველებს იმავე დღეს შეატყობინა. მოზარდი სახლიდან 2013 წლის 31 დეკემბერსაც გაიპარა. ანა კალანდია პოლიციის დახმარებით იმავე ღამეს რუსთავში მეგობარ ბიჭთან ერთად იპოვეს.