24 წლის ამერიკელმა სპეციალური კოქტეილი შეიმუშავა, რომელიც ყველა აუცილებელ ნივთიერებას შეიცავს - ნახშირწყლებს, ცილებს, ცხიმებს, ამინომჟავებს, ვიტამინებსა და მიკროელემენტებს. გამოსაყენებლად გამზადებული ნაზავი წყალში გახსნილი ფხვნილია, რომელმაც უკვე მიიღო სახელწოდება „სოილენტი“.

შემქმნელების აზრით, ის ჩვეულებრივ საკვებზე უფრო სასარგებლოც კია, არ შეიცავს ზედმეტ და მავნე ნივთიერებებს - როგორებიცაა, მაგალითად, ტოქსინები. გარდა ამისა, ამ კოქტეილის ერთი თვის მარაგი 100 დოლარამდე ღირს. ამერიკელებს იმედი აქვთ, რომ ეს გამოგონება განვითარებად ქვეყნებში შიმშილობასთან საბრძოლველად დაეხმარებათ, ხოლო ზედმეტი წონის მქონეთ - საერთოდაც შეუცვლის საკვებს.