ერთ–ერთმა კანადურმა ბრენდმა გამოუშვა ჯინსის შარვალი, რომელიც სხეულის ტემპერატურის ცვლილებასთან ერთად ფერს იცვლის. იმ შემთხვევაში, თუ მომხმარებელს შესცივდება, ჯინსი ლურჯდება, თუ სიცხე შეაწუხებს – თეთრდება. ამის მიზეზი ის გახლავთ, რომ ქსოვილი, რომლისგანაც შარვალი მზადდება, დამუშავებულია სპეციალური საღებავით, რომლის შემადგენლობაში შესული მოლეკულები ტემპერატურის ცვლილებისას ფერს იცვლიან. ჯინსი უკვე იყიდება და მისი ფასი 240 ამერიკული დოლარი გახლავთ.