ვოლგოგრადში დღეს მომხდარი ტერაქტის შედეგად დაშავებულთა შორის ერთი ქართველია. ამ ინფორმაციას რუსული მედიასაშუალებები ავრცელებენ. ტელეკომპანია "ენ-ტე-ვეს" ცნობით, ვოლგოგრადის ოლქის ადმინისტრაციამ უკვე საჯარო გახადა დაზარალებულთა სია, მათ შორის კი ერთერთი ანზორ ქარჩაძეა. ბოლო 24 საათში მეორე ტერაქტი ვოლგოგრადის ბაზართან დღეს დილით მოხდა. ვოლგოგრადში უსაფრთხოების ზომები მკაცრდება. სამართალდამცველები მუშაობის საგანგებო რეჟიმზე გადადიან.