ქართველი მსახიობის ელენე სატინი-სხირტლაძის რჩეული ამერიკული როკ-ბენდის The All-American Rejects-ის წევრი, ვოკალისტი და გიტარისტი ტაისონ რიტერია. წყვილის ოფიციალურმა წარმომადგენელმა ინფორმაცია ჟურნალ People-ს უკვე დაუდასტურა. "როდესაც ელენეს ხელი ვთხოვე, ტირილი დაიწყო. ცოლობა სახურავზე ვთხოვე. ბედნიერი ვარ, რომ როგორც იქნა, ჩემი პატარძალი ვიპოვე. ყველას დიდი მადლობა მოლოცვისთვის", - განაცხადა ტაისონმა ჟურნალ People-სთვის მიცემულ ინტერვიუში.