ექსპერტების განცხადებით, ფიზიკურად ძალიან ცოტა თუ შეძლებდა იმის გაკეთებას, რაც შეძლო შავარშმა. როგორც კი დაინახა მომხდარი, ჩაყვინთა, ფეხით გატეხა ტროლეიბუსის უკანა მინა და დაიწყო უგონოდ მყოფი მგზავრების ამოყვანა. 20 წუთზე მეტი დაჰყო გაყინულ წყალში. შემთხვევის ადგილზე იმყოფებოდა ჩემპიონის ძმაც, რომელიც ამოყვანილ მგზავრებზე ზრუნავდა. 20 ადამიანი გადაარჩინა შავარშმა სიკვდილს. საბოლოოდ მან ბევრად მეტი მგზავრი ამოიყვანა წყლიდან, მაგრამ ყველას გადარჩენა ვერ მოხერხდა. იქვე მყოფმა თვითმხილეველებმა დაინახეს, რომ მას სხეულზე აღენიშნებოდა უამრავი ჭრილობა, რაც გამოწვეული იყო ტროლეიბუსის მინების ჩამტვრევით.

ბოლო ამოყვინთვისას შავარშმა გონება დაკარგა. გადაიყვანეს საავადმყოფოში. იმ 20 წუთის შედეგად, რაც მან დაყო ცივ წყალში, განუვითარდა პნევმონია, ჭუჭყიანი წყლის გამო კი მას მოეწამლა სისხლი-განუვითარდა სეფსისი. ტემპერატურა დიდი ხნის მანძილზე არ ჩამოდიოდა 40 გრადუსზე ქვემოთ.ექიმები ემზადებოდნენ ყველაზე უარესისთვის. მხოლოდ 46–ე დღეს მოვიდა გონს ათლეტი

შემდეგ მას ჰკითხეს: "რა იყო ყველაზე საშინელი?"–შავარშმა უპასუხა: " მე ვიცოდი რომ ბევრ ადამიანს უნდა დავხმარებოდი. წყალი მღვრიე იყო და თითქმის ნულოვანი ხილვადობა, ასე რომ მე ვერაფერს ვხედავდი, ვცდილობდი ჩავჭიდებოდი მათ და ამომეყვანა. ერთ-ერთი ამოყვინთვისას კი, ხელში ადამიანის მაგივრად სავარძელი შემრჩა....მე ვუყურებდი მას და დავინახე ჩემი შეცდომის ფასი: მე დავუკარგე ერთ ადამიანს სიცოცხლის შანსი...ვერ გადავარჩინე. ღამით ხშირად მესიზმრება ეს სავარძელი".

მას სუნთქვასთან დაკავშირებით შეექმნა პრობლემა.სპორტი უნდა დაევიწყებინა, მაგრამ შარვაშს აღნიშნულზე ფიქრიც არ სურდა.
ინტერნეტში გავრცელებული ერთი ინფორმაციით, აღნიშნული ტრავმის გამო, ის იძულებული გახდა უარი ეთქვა დიდ სპორტზე. თუმცა, ასევე საპირისპირო ინფორმაციაც არის გავრცელებული, რომ 1977 წელს, ისევ გახდა მსოფლიო ჩემპიონი, სსრკ–ს ჩემპიონი და დაამყარა ახალი მსოფლიო რეკორდი 400 მეტრ დისტანციაზე. თუმცა, დაზიანებული ჯანმრთელობის გამო, მან დიდხნას ვერ შეძლო დარჩენილიყო დიდ სპორტში.

შესაძლოა ითქვას, რომ მან გაინადგურა თავისი უჩვეულო ნიჭი. მაგრამ იმ საშინელი, გადატანილი 20 წუთისთვის, მან დაიმსახუ