ქეიფს ვიწყებ დილიდან, ვიქირავებ დილიჟანს
შიგ ჩავისვამ ლომებს ფაფარაშლილს
თავს მოვაჭრი რუმბივით გასიებულ მიკიტანს,
ჩემს საკადრის სუფრას თუ არ გაშლის.
წყეულ მიქელ-გაბრიელს სანამ გავხასენდები,
სანამ ქვეყნად არსებობას მაცლის,
არემარეს ავიკლებ, არაფერს არ დავიკლებ,
არა მჯერა მე სამოთხის მადლის.
მისამღერი:
ღვინო მამაპაპური, დალოცვილი კახური
მირჩევნია უკვდავების წამალს,
თქვენი იყოს წაიღეთ, სამოთხეც და ედემიც,
მთვრალი თუნდაც ჯოჯოხეთში წავალ.
ჰოდა სანამ სიკვდილი კარზედ მომიკაკუნებს,
ჩემს ნაკვალევს წალეკავს და წაშლის,
არემარეს ავიკლებ, არაფერს არ დავიკლებ,
მტრის ჯინაზე ზღაპრულ სუფრას გავშლი.
ქეიფს ვიწყებ დილიდან, ვიქირავებ დილიჟანს
შიგ ჩავისვამ ლომებს ფაფარაშლილს
შემოვისხამ ძმაქაჯებს აქედან და იქიდან,
თეთრ დუქანში ზღაპრულ სუფრას გავშლი.