"სლავსკი კოლაჩი"
"სლავა" არის სერბების ტრადიცია და აღნიშნავს ოჯახის მფარველი წმინდანის პატივისცემას ამ წმინდანის ხსენების დღეს, ისტორიულად დამკვიდრდა ჯერ კიდევ წმინდა საბას დროს, ყველა ოჯახს აქვს ეს სლავა ანუ ყავს მფარველი წმინდანი,ძირითადად კი ეს არის ოჯახის წინაპრების მონათვლის დღე და ამ დღეს რომელი წმინდანის ხსენებაც იყო, ოჯახის მფარველად იმას ირჩევენ. ეს მოკლე ისტორიულ-რელიგიური შესავალი. სლავის დღეს აუცილებლად კეთდება ეს სლავსკი კოლაჩი და არსებობს რიტუალები.
ე.წ. სლავსკი კოლაჩი, სხვადასხვანაირია, ყველა თავისებურად "რთავს", მასზე გამოსახულ სიმბოლოებს ყველას ახსნა აქვს: სიუხვის, სიცოცხლის, გამრავლების და ა.შ.
კოლაჩზე უხვადაა ცომით გაკეთებული ნაწნავები, რაც ოჯახში გოგო ბავშვის გაჩენის თხოვნა-სურვილია.
შესაძლებლობის მიხედვით ხდება ეკლესიაში მათი ანუ კოლაჩების კურთხევა. ამ დროს კეთდება მოხარშული ხორბალი, "ჟიტო", ესეც ერთერთი ატრიბუტია სლავის დროს,ასევე დიდი დღესასწაულებისას, ხშირად მას ატკბობენ და გატარებულ ნიგოზს ურევენ.
ცომი მზადდება ლუდის საფუარის გამოყენებით,არასამარხო შემთხვევებში იყენებენ კვერცხსაც. სხვა დანარჩენი როგორც პური ჩვეულებრივი.
"სლავსკი კოლაჩ" - უფლისა ჩვენისა იესო ქრისტეს მიმართ ჩვენს მადლიერებას, როგორც ჩვენი მხსნელის მიმართ. კოლაჩზე წითელი ღვინის დასხმა სიმბოლოა უფლის მიერ გოლგოთაზე დაღვრილი სისხლისა.