ბოსნია-ჰერცეგოვინა არის ქვეყანა ევროპის კონტინენტზე. ევროპის სამხრეთით მდებარე ქვეყანა, ბალკანეთის ნახევარკუნძულზეა გადაშლილი. დედაქალაქია - სარაევო. მოსაზღვრე ქვეყნებია: ხორვატია ჩრდილოეთიდან, დასავლეთიდან და სამხრეთიდან; სერბეთი აღმოსავლეთიდან და მონტენეგრო სამხრეთ-აღმოსავლეთიდან. მიუხედავად სისხლიანი ისტორიისა, დღეს ბოსნიას ძალიან ბევრი ტურისტი სტუმრობს. განსაკუთრებული ბუნების სილამაზე და სუფთა ჰაერი ქვეყნის მიმზიდველობას უფრო შთამბეჭდავს ხდის.

ბოსნიის ცენტრალურ რეგიონში მდებარე ქალაქ ფოკონიკთან ძალიან ახლოს არის ტბა პროკოვსკი, რომლის გარშემოც ნამდვილი "სამოთხეა" გაშენებული. ნაგულისხმევი სოფელი, ქალაქიდან რამოდენიმე კილომეტრის მოშორებით მდებარეობს.

სოფელი ატარებს ტბა პროკოვსკის სახელს. როდესაც საუბარი სარაევოზე, ტრავნიკსა და მოსტარზეა, ბოსნიელები ყოველთვის იხსენებენ სოფელ პროკოვსკისაც. უნიკალური ლანდშაფტი, შესანიშნავი ბუნება და საოცრად მუქი მწვანე ფერი სამოთხესთან არის დაკავშირებული.

პროკოვსკი ძალიან წყნარი სოფელია, ადგილობრივები ხშირად რჩებიან ელექტრო ენერგიის გარეშე, თუმცა არც უასფალტობას განიცდიან. ამ სოფელში ცხოვრება ბუნებასთან ერთი-ერთში დარჩენას ნიშნავს. აქ ყველაფერი ბუნებრივია.

ბოლო წლებში, ზაფხულის დაწყებისთანავე, სოფელს ძალიან ბევრი ტურისტი სტუმრობს, ადგილობრივები ძალიან კეთილშობილი და თბილი ადამიანები არიან, სტუმრებს ხშირად სთავაზობენ უნიკალურ საჭმელებს. ხის სახლებში ოთახების ქირაობაც ძალიან იაფი ჯდება. ასე, რომ თუ სურვილი გექნებათ ბოსნიაში მოგზაურობისა, აუცილებლად ეწვიეთ ევროპის სამხრეთით მდებარე ამ სამოთხეს!