ინტერპოლმა საერთაშორისო ძებნილთა სიას საქართველოს ორი მოქალაქე - გიორგი ალიევი და გრიგოლ ბერიკაშვილი დაამატა. გავრცელებული ცნობით, ორივე მათგანს ინტერპოლი ყვითელი ცირკულარით, ანუ უგზოუკვლოდ დაკარგულის სტატუსით ეძებს.

გიორგი ალიევი 21 წლის გახლავთ. ინტეროპოლის საიტზე გამოქვეყნებული ინფორმაციით ირკვევა, რომ ის ქალაქ რუსთავის მკვიდრია.

რაც შეეხება გრიგოლ ბერიკაშვილს, ის გასული წლის ივლისში 55 წლის ასაკში საბერძნეთში გაუჩინარდა. მათი კვალის დადგენა ძალოვანმა უწყებებმა ამ დრომდე ვერ შეძლეს, რის გამოც საქმეში ინტერპოლი ჩაერთო.