9 ივნისს რუსეთის ერთ-ერთ სოფელში კერძო სახლების გასწვრივ, ქუჩის ბოლოში იპოვეს გვამი. იგი 56 წლის მამაკაცს ეკუთვნოდა, რომელიც ადრე ნასამართლევი იყო. მას ქალა-ტვინის დაზიანება ქონდა მიყენებული. ცხელ კვალზე დაიჭირეს მეზობელ სოფელში მცხოვრები 15 წლის მოსწავლე. მან მისცა აღიარებითი ჩვენება და აღნიშნა, რომ 9 ივნისს გამოცდების შემდეგ სკოლიდან დაბრუნდა სახლში. სახლის ეზოში დახვდა ნასვამი მამაკაცი, რომელიც მას მოსვენებას არ აძლევდა და მისი გაუპატიურება უნდოდა. გოგონა ცდილობდა მისგან დაღწევას, მაგრამ მამაკაცი თავს არ ანებებდა. ძალადობის დროს მოსწავლეს ხელში ხის ნაჭერი შერჩა და კაცს თავში ჩაარტყა. ამის შედეგად მამაკაცი ადგილზევე გარდაიცვალა. გამოძიების შედეგად გაირკვა, რომ გოგონა 6 თვის განმავლობაში გადიოდა საბრძოლო ხელოვნებას. ალბათ ამის შედეგად, მან ერთხელ დარტყმით ადამიანი მოკლა, ამ საქმესთან დაკავშირებით მიმდინარეობს გამოძიება.