მოგეხსენებათ, რომ 17 მაისი გამოცხადებულია ოჯახის სიწმინდის დღედ, საქართველოს მართლმადიდებელი ეკლესიის მიერ და უკვე წლებია აღინიშნება რუსთაველის გამზირზე მშვიდობიანი მსვლელობით და ასევე 17 მაისი არის მაცხოვრის ამაღლების დღესასწაული და ის ვინც ამ წმინდა მსვლელობას ხელყოფს, გარდა ზემოთ თქმულისა, ღვთის რისხვასაც დაიმსახურებს!!!

აქვე მინდა ხაზგასმით ავღნიშნო, რომ „მოძრაობა ძლევაი საკვირველი“ არ მიეკუთვნება იმ კატეგორიას, ვინც რუსულ ბინძურ იმპერიალისტურ მიზნებს ფუთავს მართმადიდებლური იდეალებით! ღმერთი რომ ჭეშმარიტად ჩვენთან არის ამის უტყუარი ნიშანი ისაა, რომ პირადად ჩემს მოძღვარს, პატრიარქის უერთგულეს სინოდის წევრ მეუფეს, შეუძლია ღვთისადმი წმინდა ლოცვებით გამოიწვიოს მიწისძვრები და სხვა სტიქიური მოვლენები, მტრებისგან საქართველოს დასაცავად, როგორც ამას თავის დროზე აკეთებდნენ წმ. მოსე წინასწარმეტყველი და წმ. ელია თეზბიტელი, ისრაელის ტყვეობიდან დასახსნელად (ეს ფენომენი 20-ზე მეტ შემთხვევაში უკვე მეცნიერულადაა დამტკიცებული ამ ბმულზე განთავსებული პოსტის კომენტარებში: https://www.facebook.com/dzlevai.sakvirveli/posts/1405357809592136)!

ასევე გაითვალისწინეთ ისიც, რომ 2018 წლის 24 აპრილიდან წარდგენილი ვარ საქართველოს პრეზიდენტობის კანდიდატად და ღვთის შეწევნით ქართველ ერს პირობა მივეცი, რომ ჩემი პრეზიდენტობის ვადაში იძულებით დავაბრუნებინო რუსეთსაც და თურქეთსაც 1921 წლამდე საქართველოს კუთვნილი ტერიტორიები: ნიკოფსიიდან დარუბანდამდე, ოსეთიდან არეგაწამდე და ლაზეთ-ტრაპიზონ-ტაო-კლარჯეთი!!! ამაში დარწმუნდებით თუ წაიკითხავთ ამ ბმულზე განთავსებულ ჩემს ამას წინანდელ მიმართვას: http://intermedia.ge/სტატია/97497/25/

„მოძრაობა ძლევაი საკვირველის“
მეთაური:
დავით ამაშუკელი.
2 მაისი, 2018 წელი.