ერთერთ საერთაშორისო მგზავრს, რომელიც პატარა ნიანგების ტრანსპორტირებას ცდილობდა, ლონდონის ჰითროუს აეროპორტში ბრიტანელმა მესაზღვრეებმა 50 ნიანგი ჩამოართვეს.

ტელეკომპანია BBC-ის ინფორმაციით, ერთი წლის ასაკის 50 რეპტილია მალაიზიის რეისით ჩამოიყვანეს. ნიანგების ჩამორთმევის მიზეზი მათი ტრანსპორტირების წესის დარღვევა გახდა – ოთხი ნიანგისთვის განკუთვნილ თითოეულ ყუთში ათი რეპტილია იყო მოთავსებული. ადგილის უკმარისობის გამო, ერთ-ერთი ცხოველი მოკვდა.

ნიანგები კემბრიჯშირში მდებარე ფერმაში უნდა მიეყვანათ, სადაც ხორცის წარმოებისთვის მათი გამრავლება იგეგმებოდა. გადარჩენილ 49 რეპტილიას მალაიზიაში დააბრუნებენ.