კინო ფილმები რომლებსაც უცხოელი მასწავლებლები მაღალ კლასებში აყურებინებენ 2018, 17 აპრილი, 11:54 ყველა ჩვენგანს გვაქვს საყვარელი ფილმი რომელზეც ვფიქრობთ რომ ყველამ უნდა ნახოს რადგან უკეთ გაიგონ ადამიანური ფასეულობები და ცხოვრების არსი ამ სიაში კი წარმოგიდგენთ ფილმებს რომლებსაც ამერიკელი მასწავლებლები საჭიროდ თვლიან რომ თავიანთ სტუდენტებს ანახონ
ჭკვიანი უილ ჰანტინგი 1997
გას ვან სენტის ფილმი მოგვითხრობს მათემატიკური ნიჭით დაჯილდოვებულ ყმაწვილზე უილ ჰანტინგზე, რომელიც საკუთარი თავის ძიებაშია და მუდმივად გაურბის თავის მეგობრებს. ფსიქიატრ შონ მაგუაირთან შეხვედრის შემდეგ, იგი თავისი თავის აღმოჩენას შესძლებს.
ფორესტ გამპი 1994
დაბალი ინტელექტის მქონე კაცმა ცხოვრებაში ბევრს მიაღწია, არაერთ მნიშვნელოვან მოვლენას დაესწრო და ყოველ ჯერზე, ყველას უმტკიცებდა, რომ გაცილებით მეტი შეუძლია ვიდრე მისგან ელიან და მაინც მიუხედავად ყველაფრისა რასაც ცხოვრებაში მიაღწია, მისი ერთადერთი, ნამდვილი სიყვარული ხელიდან უსხლტება. "ფორესტ გამპი" არის ამბავი ადამიანზე, რომელიც თავის პრობლემებზე მაღლა დადგა, და დაამტკიცა განსაზღვრება - სიმამაცე და სიყვარული უფრო მნიშვნელოვანია ვიდრე უნარი...
სასტუმრო რუანდა 2004
რუანდაში, ხუტუსების ხალხი, ტუტსისების ხალხის წინააღმდეგ აჯანყდა. პრესტიჟული ოტელის მმართველი - პოლი, გენოციდს გვერდიდან უყურებს. მისი ცოლი ტუტსისებიდანაა. ტომი თავისი ოჯახისთვის ყველაფერს გააკეტებს, მაგრამ მას არ უნდა ჩაებას ამ სისხლიან მკვლელობებში.
ამერიკული ისტორია X 1998
დერეკ ვაინიარდი თავდებით არის გამოშვებული 3 წლის პატიმრობის შემდეგ სადაც ორი ხულიგნის მკვლელობისთვის იჯდა, რომლებიც მისი სატვირთო მანქანის გატეხვას ცდილობდნენ. მისი ძმის, დენი ვაინიარდის მონაყოლიდან გამომდინარე ვიგებთ, რომ სანამ დერეკი ციხეში აღმოჩნდებოდა იგი "სკინჰედი" და მოძალადე თეთრკანიანი რასისტული ჯგუფის ლიდერი იყო და მისი ქმედებები დენიზე დიდ გავლენას ახდენდა. ციხიდან ახალგამოსული დერეკი მის ძველ ბანდასთან ყოველგვარ კავშირს გაწყვიტავს და შეეცდება მისი ძმაც დაიცვას მისი შეცდომებისაგან და ძალადობისაგან.
დარჩი ჩემთან 1986
12 წლის გორდი თავის საუკეთესო მეგობრებთან კრისთან, ტედისთან და ვერნთან ერთად, დაღუპული ბიჭის ცხედრის საძებნელად მიდიან, რომელიც თითქოსდა მატარებელმა გაიტანა. უფროსების აზრით ეს ლაშქრობა სულაც არ არის მნიშვნელოვანი, მაგრამ ბიჭების ცხოვრებაში ის გადამწყვეტ როლს თამაშობს.
თაგვებსა და ადამიანებზე 1992
ჯონ სტეინბეკის ამავე სახელწოდების რომანის ეკრანიზაცია. ფილმი ორ მეგობარზე მოგვითხრობს, რომელიც ამერიკაში დიდი დეპრესიის დროს ცდილობს სამუშაოს პოვნას.
მკვდარი პოეტების საზოგადოება 1989
ფილმში მოთხრობილია ისტორია კოლეჯის მეგობრების შესახებ, რომლებიც მათი ინგლისური ლიტერატურის ლექტორს დაუახლოვდებიან. პროფესორი ქითინგი ბიჭებს საიდუმლო საზოგადოების შესახებ უყვება, რომლის წევრებიც საზოგადოებაში მიღებულ ნორმებს არღვევდნენ. ის ხელს უწყობს თავის მოსწავლეებს, იცხოვრონ თითოეული დღით და იპოვნონ თავიანთი გზა ცხოვრებაში.
შინდლერის სია 1993
ფილმში აღწერილი მოვლენები ოსკარ შინდლერის თვალითაა დანახული. შინდლერმა თავის ქარხანაში მომუშავე ათასზე მეტი ებრაელის სიცოცხლე იხსნა ნაცისტებისგან.
რომეო+ჯულიეტა 1996
 შექსპირის შეუდარებელი პიესა თანამედროვე თვალთახედვით. ვერონა უზარმაზარი მეგაპოლისი გახდა, მანტეფი და კაპულეტი მაფიოზურ დაჯგუფებებად გადაიქცნენ და ცეცხლსასროლი იარაღით უპირისპირდებიან ერთმანეთს ქალაქის ქუჩებში.მაგრამ რომეო და ჯულიეტა მოზარდებად დარჩნენ, შექსპირის სიტვები კი ქუჩის მებრძლებისგან გაისმის და ნარკომანებისგან. დრო იცვლება, ადამიანები იცვლებიან, ნამდვილი სიყვარული კი – მარადიულია...
თავისუფლების
მწერლები 2007 
ახალგაზრდა მასწავლებელი მოსწავლეებს შთააგონებს ისწავლონ ტოლერანტულობა, იმუშაონ საკუთარ თავზე და სკოლის შემდეგ სწავლა განაგრძონ.
ედვარდ მაკრატელხელება 1990
"ედვარდ მაკრატელხელება" ტიმ ბარტონის და ჯონი დეპის კლასიკური ნამუშევარია, სადაც პატარა ქალაქში, უცნაური, შეუმდგარი მეცნიერი ექსპერტი ჩადის. ამერიკის შუაგულის მაცხოვრებლების და მათი უცხო ადამიანების მიმართ შიშის შესახებ გადაღებული სატირა. ჯადოსნური ზღაპარი მარტოობაზე, სწავლაზე და სიყვარულზე.
ვიღაცამ გუგულის ბუდეს გადაუფრინა 1975
სულით ავადმყოფთა დაწესებულებაში, დაუმორჩილებელი პატრიკ მაკმერფი მის მეგობარ პაციენტებს, მთავარი მედდის- მილდრედ რეტჩიდის ავტორიტარული რეჟიმის წინააღმდეგ ააამხედრებს.
ნუ მოკლავ ჯაფარას 1962
ჭკვიანმა, რბილმა, წყნარმა და შესანიშნავი მანერების მქონე ალაბამელმა იურისტმა უნდა დაიცვას სასამართლოში შავკანიანი, რომელიც უდანაშაულოდაა დაჭერილი და ბრალს სდებენ ძალადობაში.ფილმი გადაღებულია ჰარპერ ლის ცნობილი რომანი მიხედვით. ფილმს მიღებული აქვს ოსკარი
|
