პარლამენტში წარედგინა მმართველი პარტიის "ქართული ოცნების" დეპუტატების მიერ ინიცირებული კანონპროექტი, რომელიც ითვალისწინებს დედაქალაქში უკანონო ვაჭრობისთვის სანქციების გამკაცრებას.

თუ კანონპროექტი დამტკიცდება, ფიზიკური ან იურიდიული ქუჩაში ვაჭრობის შემთხვევაში დაჯარიმდება 50 ლარით და მოხდება მისი საქონლის ჩამორთმევა.

ხოლო მოქმედი კანონმდებლობის თანახმად, იგივე დარღვევას მოჰყვება 20 ლარიანი ჯარიმა და საქონლის ჩამორთმევა.

თუ დანაშაული განმეორდება, პირი დაჯარიმდება 300 ლარის ოდენობით. მოქმედი კანონმდებლობის თანახმად, განმეორებითი დარღვევის ჯარიმა შეადგენს 100 ლარს.

თუ პირი ჩაიდენს იგივე ქმედებას და შეეწინააღმდეგება კომპეტენტური ორგანოს წარმომადგენლებს, დაჯარიმდება 200 ლარით, ჩამოერთმევა საქონელი და 7 დღე იქნება პატიმრობაში. ამჟამად ჯარიმა მხოლოდ 50 ლარს შეადგენს, თუმცა პატიმრობის ვადა იგივეა.

თუ უკანონო ქუჩაში მოვაჭრე იყენებს ავტომობილს ან ნებისმიერ სატრანსპორტო საშუალებას, ისინი დაჯარიმდებიან 1000 ლარით და მათ საქონელს ჩამოართმევენ. თუ პირი შეეწინააღმდეგება კომპეტენტური ორგანოს წარმომადგენლებს, სანქცია იქნება 2, 000 ლარის ოდენობით და 7 დღიანი პატიმრობა.

პარლამენტი ინიცირებულ კანონპროექტს 26 აპრილს განიხილავს.