მას აგრესიულ ვარცხნილობასაც უწოდებენ. „შეგი“ დღითი დღე პოპულარული ხდება და ეს არც არის გასაკვირი, რადგან: 1) ულამაზესია თხელ თმაზე; 2) ადვილი მოსავლელია; 3) ნებისმიერი სიგრძის თმაზე კეთდება. და კიდევ...

„Shaggy“ ინგლისურიდან ითარგმნება, როგორც „გაბურძგნილი“ ან დაუვარცხნელი. ახლა ამ მოდურ ვარცხნილობას პირდაპირ „შეგი“ ეწოდება და თუკი მოდის მიმდევრებს დავეყრდნობით, ეს ვარცხნილობა ჯერ კიდევ 70-იანი წლებიდან მოყოლებული მოდის.


ვის უხდება „შეგი?“
ეს ვარცხნილობა იდეალური ვარიანტია მათთვის, ვისაც თხელი თმა აქვს. ამგვარი ვარცხნილობა ვიზუალურად აფუებს თმას და მას უფრო სქლად აჩენს. გარდა ამისა, „შეგი" მარტივი მოსავლელია: თავის დაბანის შემდეგ თმას გაშრობა, გასწორება და განსაკუთრებული მოვლა აღარ სჭირდება.


თანამედროვე „შეგი" უხდება ნებისმიერი სიგრძის თმას: მოკლე თმაზე ის უფრო სექსუალურად გამოიყურება, საშუალო სიგრძის თმაზე - მოდურად, ხოლო გრძელ თმაზე მას მრავალშრიანი და მსუბუქი შესახედაობა აქვს.