ევროკავშირის საბჭოს პრეზიდენტმა, დონალდ ტუსკმა ბულგარეთის ქალაქ ვარნაში გამართულ ბრიფინგზე რუსეთი სერგეი სკრიპალის მოწამვლაში დაადანაშაულა.

ამ განცხადების შემდგომ ევროკავშირის წევრმა 14 ქვეყანამ და ამერიკამ მიიღო გადაწყვეტილება ქვეყნიდან რუსი დიპლომატების გაძევების შესახებ.

გავრცელებული ინფორმაციით, დონალდ ტრამპა ქვეყნიდან 60 რუსი დიპლომატის გამოძევებას მოაწერა ხელი. ასევე, გერმანია ქვეყნიდან გააძევებს 4-ს, უკრაინა 13-ს, პოლონეთი 4-ს, დანია 2-ს, საფრანგეთი 4-ს, ჩეხეთი 3-ს, ლატვია 1-ს, ესტონეთი1-ს, ლიტვა 3-ს, იტალია 2-ს, კანადა 4-ს, ნიდერლანდები 2-ს, რუმინეთი 1-ს, ფინეთი 1-ს.

გარდა ამისა, ამერიკის ქალაქ სიეტლში დაიხურა რუსეთის საკონსულოც.
.დონალდ ტუსკის განცხადებით, უახლოეს დღეებში რუსეთის წინააღმდეგ ახალ სანქციებს გაავრცელებენ.