ჯანდაცვისა და სოციალურ საკითხთა კომიტეტის თავმჯდომარის პირველი მოადგილის, დიმიტრი ხუნდაძის განცხადებით, მოხდება მრავალშვილიანი მშობლის სტატუსის განსაზღვრა, რის მიხედვითაც ოჯახები სოციალურ დახმარებას მიიღებენ:

“მრავალშვილიანი ოჯახი, რომელსაც ოთხი ბავშვი ჰყავს, ყოველთვიურად 20 ლარს მიიღებს, ხოლო ხუთ ან მეტშვილიანი ოჯახი მე-5 და მომდევნო ბავშვზე – დამატებით 10-10 ლარს. საქსტატის მონაცემებით, (2014 – საყოველთაო აღწერის შედეგები) 12369 შინამეურნეობაა, სადაც ოთხი და მეტი არასრულწლოვანი ცხოვრობს. შესაბამისად, სარგებლის სახით, ჯამური ფინანსური შედეგი წლიურად დაახლოებით 3 489 000 ლარი იქნება”-განაცხადა დიმიტრი ხუნდაძემ.

ცნობისთვის:საქართველოში მრავალშვილიანი ოჯახის სტატუსი 2006 წლიდან გაუქმებულია.

ხუნდაძის ამ განცხადებას სოციალურ ქსელში მოქალაქეების უამრავი კომენტარი მოყვა, რა შინაარსის იქნება ძნელი მისახვედრი არააა, თუმცა ქართველებს იუმორის გრძნობა არასდროს აკლდათ და არც ეს გახლავთ გამონაკლისი:

" როგორ დავხარჯოთ, გამისკდა თავი ფიქრით"

"კალას პირადად პრიჩოსკისთვის"

"არ ეყოფა სავარაუდოდ, ცოტას დავუმატებთ"

"უფრო კარგად დაითვალეთ ბევრი არ მოგივიდეთ"

"აუცილებლად გამრავლდება ქართველობა"

"სასწაულია რა დახარჯავს ამდენს ცოტა ბევრი ხომ არ არის?"

"ეს ალბად დედის დღესთან დაკავშირებით გაუკეთეს ძვირფასი საჩუქარი."

"დატოვეთ რამე ბიუჯეტში"

"ხურდა თუ მოგვრჩა რა ანგარიშზე გადავრიცხოთ?"

"ვიწყებ მეხუთეზე მუშაობას, 30 ლარი უკვე კუშია )))"

" ისე მე როგორც ვატყობ თქვენ გამზრდელებსაც არ აქვს წაკითხული გამზრდელი თუ არა თქვენ რავა გაგზრდიდათ, აქიდან გამომდინარე ხშირად მახსენდება ხოლმე თქვენო გამზრდელები სხვადასხვა ბრუნვაში."

იხილეთ აგრეთვე